FILIPINOJ - 19-an de oktobro, 2010.


Fortega tajfuno nomata "Megi" frapis la nordan parton de Filipinoj hieraŭ lundon, kaj albordiĝis en la provincoj de Isabela kaj Cagayan. Miloj de loĝantoj estis evakuitaj el la norda insulo de Luzon antaŭ tio, kio estas la plej forta ŝtormo en la lando ĉi tiun jaron.

“Estas terfalaĵoj en la montoj, ni havas ondiĝojn, ŝtormajn ekmultiĝojn kaj grandajn ondojn trans la marbordo,” diris Graciano Yumol, respondeculo pri medio kaj naturaj fenomenoj en la registaro, en intervjuo ĉe filipina televidstacio.

Unu viro mortis en la norda urbo Tuguegarao. Li dronis dum fiŝkaptado, laŭ Benito Ramos, ĉefo de la civila defendo. Televida filmo montris aŭtojn renversitajn en la provinco de Isabela kaj domtegmentojn forblovitajn. Lernejoj estis fermitaj en la insulo Luzon.

Ventoj atingas rapidojn de ĝis 260 kilometroj hore, la tajfuno Megi estis kvalifikita kiel "fortega tajfuno" (angle "Super typhoon") de registaraj agentejoj. Tio estas vorto uzita de kelkaj priveteraj centroj por priskribi ŝtormojn kun daŭrantaj surfacoventoj kun rapido de almenaŭ 65 metroj sekunde.

Megi ankaŭ faligos fortan pluvon trans la nordaj Filipinoj lundon kaj mardon antaŭ ol moviĝi al suda Ĉinio.