Serĉi en la retejo
Azio : lasttempaj artikoloj
- Grava tropika ŝtormo frapas Filipinojn
- Ĉinio: 659 milionoj da usonaj dolaroj estis uzataj por sanigaj aferoj en Xinjiang
- Japanio subtaksis riskojn de cunamo
- Ĉu Dalailamao bonvena en Ĉinio ?
- Efika maturiĝo de fruktoj pere de muziko
- Fortega tertremo kaj cunamoj frapas Japanion
- Dalai-Lamao preparas sian politikan rezignon
- Batalhelikopteroj mortigas 9 afganajn infanojn
- Kontesto de diktatoraj reĝimoj: ĉu risko por Ĉinio ?
- Ora semajno en Ĉinio
Vizitu nian paĝon en Facebook Plej popularaj artikoloj
Majo 2011
1 - Kosmosondiloj Voyager forlasos la sunsistemon en 20162 - Babela turo farita de libroj inaŭguriĝis en Bonaero
3 - Mallonge el Eŭropo
4 - La post-atoma epoko
5 - Baloto en Kanado : Konservativuloj gajnas
| Klaku.net | Via demokratia amaskomunikilo en Esperanto - Submitted news |
|
| NATO volas pli da soldatoj en Afganio |
 |
 |
| Azio - Diversaĵoj |
  AFGANIO /  NATO - 02-an de decembro, 2009.La Ĝenerala Sekretario de NATO diris, ke membroj faru "multe pli" por kontribui al la batalo kontraŭ al-Kaido kaj la Talibanoj en Afganio. Anders Fogh Rasmussen diris, ke NATO-landoj krom Usono aldonu almenaŭ 5 000 ekstrajn soldatojn, kaj "verŝajne kelkajn milojn pliajn". Tiun deklaron li faris dum la usona prezidento Barack Obama diris, ke li pliigos usonajn fortojn en Afganio je 30 000 soldato, al entute 100 000.
Sro Rasmussen diris, ke NATO-soldataro restos tie "tiel longe kiel necese". "En 2010, la ne-usonaj membroj de ĉi tiu misio sendos almenaŭ 5 000 soldatojn kaj verŝajne kelkajn milojn pliajn," Sro Rasmussen diris, klarigante, ke ĉi tiu nombro venas kiel aldono al  la jam 38 000 soldatoj en Afganio. "Kio okazas en Afganio estas aktuala kaj klara danĝero por niaj civitanoj," li diris. "Malstabileco en Afganio signifas sensekurecon por ni ĉiuj." Antaŭe tiun mardon, usona prezidento Barack Obama anoncis ekpliiĝon de la nombro de usonaj soldatoj, kaj promesis "ekkapti la iniciaton" en la batalo kontraŭ la Talibanoj kaj al-Kaido en la lando. Li diris, ke retiriĝo el Afganio komenciĝos post 19 monatoj, en julio 2011, kaj li sugestis ke la misio en Afganio estos testo por la kredindeco de NATO. Responde, Sro Rasmussen diris, ke la organizaĵo devas "nun montri, ke multilateralismo produktas rezultojn". Sro Rasmussen aldonis, ke la kontribuontaj landoj kaj precizaj nombroj estos anoncitaj post konferenco pri Afganio vokota de la brita ĉefministro kaj okazonta en Londono je la 28-a de januaro. Li diris, ke la strategio de NATO kuŝas en "translokigo de respondeco pri regado de sia propra lando al Afganio kiel eble plej baldaŭ". Sed Sro Rasmussen klare komprenigis, ke NATO-fortoj ankoraŭ plu havos "subtenan rolon". "Ni ne havas intencon foriri je tiu punkto, kaj ŝanceliĝi antaŭ la fina linio. Ni restos tiel longe kiel necese por elfini la taskon kaj nia misio finiĝos kiam la Afganoj kapablos sekurigi kaj estri sian propran landon," li aldonos. En lia ĉiusemajna parolado el la sidejo de NATO en Bruselo, li deklaris, ke jam estas inter 10 kaj 15 distriktoj en la lando, kie afganaj sekurecaj respondeculoj pretas ekpreni sur sin la gvidadon en 2010. |
