Serĉi en la retejo
Azio : lasttempaj artikoloj
- Grava tropika ŝtormo frapas Filipinojn
- Ĉinio: 659 milionoj da usonaj dolaroj estis uzataj por sanigaj aferoj en Xinjiang
- Japanio subtaksis riskojn de cunamo
- Ĉu Dalailamao bonvena en Ĉinio ?
- Efika maturiĝo de fruktoj pere de muziko
- Fortega tertremo kaj cunamoj frapas Japanion
- Dalai-Lamao preparas sian politikan rezignon
- Batalhelikopteroj mortigas 9 afganajn infanojn
- Kontesto de diktatoraj reĝimoj: ĉu risko por Ĉinio ?
- Ora semajno en Ĉinio
Vizitu nian paĝon en Facebook Plej popularaj artikoloj
Majo 2011
1 - Kosmosondiloj Voyager forlasos la sunsistemon en 20162 - Babela turo farita de libroj inaŭguriĝis en Bonaero
3 - Mallonge el Eŭropo
4 - La post-atoma epoko
5 - Baloto en Kanado : Konservativuloj gajnas
| Klaku.net | Via demokratia amaskomunikilo en Esperanto - Submitted news |
|
| Ĉinio donacas pandojn al Tajvano |
 |
| Azio - Diversaĵoj |
  ĈINIO /  TAJVANO - 25-an de decembro, 2008.Du grandaj pandoj alvenis en Tajvano el Ĉinio, kiel donaco de Pekino al la insulo kiun ĝi konsideras parton de ĉina teritorio. Kune iliaj nomoj (Tuan Tuan kaj Yuan Yuan) signifas "reunuigon", reliefigante, ke ilia alveno en Tajvano antaŭenirigos unuecon inter la du flankoj. Sed la geston ne bonvenigis ĉiuj en Tajvano. La pandoj estis unue donacitaj antaŭ tri jaroj, sed tiam estis malakceptitaj de la prezidento. Ekde tiam, diplomatiaj kaj ekonomiaj ligiloj pliboniĝis. Pasintsemajne ĉiutagaj pasaĝerflugoj, novaj ekspedvojoj kaj poŝtaj ligiloj inter la du flankoj estis establitaj unuafoje en ses jardekoj. Centoj da sekurecaj gardistoj kaj armitaj policistoj estis en la flughaveno de Shuangliu en la ĉina urbo Chengdu, provinco de Sichuan, anticipe de la transdono de la pandoj. Grava teamo de bestaj fakuloj estis en la regiono dum 10 tagoj por prepari la translokigon. Ili prenis specialajn nutraĵojn, freŝajn bambuojn kaj eĉ pilolojn kontraŭ vojaĝmalsano por la pandoj. Alveninte, ili estas kvarantenigitaj dum unu monato antaŭ ol esti kondukitaj al ilia nova ĉirkaŭbarejo el vitro kaj roko en la zooparko de Taipei, kie ili antaŭvideble allogos 30 000 vizitantojn tage. Malgraŭ la reklamo rilate al la ĉina gesto, kelkaj en Tajvano restas singardemaj kaj avertas pri troigo de la signifo de tiu donaco. La insula prezidento Ma Ying-jeou lastatempe petis denove al la ĉina metropolo retiri centojn da misiloj kiuj celas Tajvanon. Por multaj Tajvananoj la donaco de pandoj estas bela gesto, kiu, tamen, ne traktas ilian ĉefan zorgon : la militistan minacon de ilia pli potenca najbaro. La tajvana sendependisma Demokrata Progresa Partio kritikis tiun interkonsenton pri translokigo de la pandoj. "Tuan Tuan kaj Yuan Yuan signifas reunuiĝon, kiu perfekte plenumas la pekinan celon repreni Tajvanon en sian gregon," ĝi diris. Ĉinio kaj Tajvano estas regataj aparte ekde la fino de la ĉina interna milito en 1949, sed Ĉinio postulas suverenecon super Tajvano. |
