MOZAMBIKO - 3-an de septembro, 2010.


Policistoj pafis kaŭĉukajn kuglojn kaj larman gason al protestantoj en partoj de la mozambika ĉefurbo maputo je la tria tago de tumultoj pri altiĝantaj manĝaĵoprezoj. Aliloke, Maputo restis trankvila, butikoj kaj komercejoj remalfermiĝis kaj longaj atendovicoj de loĝantoj atendantaj por aĉeti panon kaj benzinon.

Dek personoj estis mortigitaj kaj 443 vunditaj ekde la tumultoj komenciĝis, la Ministro pri Sano Ivo Garrido deklaris vendrede.

Ankaŭ estis bataloj en la urbo de Chimoio, en la centro de la lando. Ses homoj estis pafitaj de policistoj tie post kiam protestantoj provis malhelpi la malfermadon de bazaro, anoncis la novaĵagentejo Lusa.

La plej lastaj perfortagoj en Maputo okazis en la antaŭurboj de Benfica kaj Hulene. Tamen, bataloj kiuj okazis vendredon estis relative negravaj kaj la policistoj diras, ke ili restarigis ordon.

La protestoj komenciĝis post kiam la prezo de pano altiĝis je almenaŭ 20% en Mozambiko, unu el plej malriĉaj landoj de la mondo.

La ministro pri Komerco kaj Industrio António Fernando klarigis, ke la registaro strebas por igi la landon malpli dependa de importita manĝaĵo.

Ĵaŭde, la registara proparolanto Alberto Nkutumula kondamnis la perforton en la stratoj de la ĉefurbo, kaj petis al la loĝantaro, ke ĉiuj restu trankvila, sed diris li ankaŭ, ke la registaro ne ŝanĝos sian decidon altiĝi la prezon de pano. "La prez-altiĝoj estas nerevokeblaj," li diris al reporteroj.

Trupoj deplojiĝis en la stratojn de la ĉefurbo hieraŭ ĵaŭdon, por malbari barikadojn, derompaĵojn kaj brulantajn pneŭojn tie lasitaj de protestantoj. Kelkaj pafadoj aŭdiĝis dum la tago. Multaj atestantoj diras, ke policistoj uzis verajn kuglojn por disrompi la amasojn sed tio ĉi estis neita de oficialuloj.

La ministro pri Enlandaj Aferoj José Pacheco deklaris, ke la registaro provas spuri la fonton de tekst-mesaĝoj cirkulantaj inter la loĝantoj de la urbo, instigante ilin daŭrigi protestojn vendrede. "Mi ricevis SMS vokante nin al daŭrigo de la strikoj por tri pliaj tagoj," Abel Salvador Bild, strata vendisto en la ĉefurbo, rakontis al la agentejo AFP.

La perforto estis la plej forta en Mozambiko ekde 2008, kiam bataloj inter policistoj kaj tumultantoj pro altiĝantaj prezoj lasis almenaŭ kvar homoj mortigitaj.