Afriko : lasttempaj artikoloj
- "Ni ĉesu persekuti al ne-fastantoj..."
- Tumultoj en Mozambiko pro altaj prezoj
- Kenjo aprobas novan konstitucion
- Zuma abolicias tradiciajn monarĥiojn
- Fitrakto al nigruloj en Sudafriko juĝata
- Futbala Mondpokalo : ĉu triumfo por Sudafriko ?
- Kasubi reĝaj tomboj detruitaj de fajrego
- Nova frapkratero eltrovita en Afriko
- Religiaj interbataloj en Niĝerio mortigas 500 homojn
- Togolando : Kontesto de rezulto en prezidentelekto
La mondo en bildoj
| Klaku.net | Via demokratia amaskomunikilo - Submitted news |
|
| Ugando malpermesas organmutilon ĉe virinoj |
 |
 |
| Afriko - Socio |
  UGANDO - 11-an de decembro, 2009.Ugandaj deputitoj voĉdone elektis malpermeson de mutilo de la seksaj organoj ĉe virinoj, ankaŭ nomata "virina cirkumcido". Iu persono juĝita kulpa pri la praktiko fortranĉi fraŭlinan klitoron, alfrontos 10 jarojn en prizono, aŭ vivdaŭran malliberigon se viktimo mortas.
Tiu praktiko ne estas oficiale tolerata, sed estas ankoraŭ praktikata en kelkaj kamparaj lokoj. Grupoj de kampanjantoj por rajtoj bonvenigis la decidon de la deputitoj, sed alvokis al estigo de kampanjoj tra la lando, por certigi, ke la jarcentmalnova praktiko tuj ĉesu. Mutilo de la generaj organoj estas vidita en iuj landoj kiel metodon por certigi virgecon kaj igi virinon taŭga por geedziĝo. Tio estas ankoraŭ praktikita de la Sebejoj, iuj subgrupoj de Karamoĝongoj, la Pokotoj en orienta Ugando kaj la Nubianoj de Okcidenta  Nil-regiono. La deputitino Alice Alaso deklaris, ke la decido estas "tre grava atingo". "Tio estas tre malbona praktiko. Tio estas kruela, tio ŝokas homojn, tio igas infanojn forlasi sian edukadon, tio estigas danĝeron por la sano. Ĉi tio estas avertosignalo : kiu ajn aŭdacos praktiki mutilon de organoj sur virinojn estos pritraktita de leĝo." Alia deputito, Lulume Bayiga, diris, ke la leĝo liberigos kaj virojn kaj virinojn, kiuj ofte suferas ostracismon kiam ili sin deturnas de la kutimo. "Virinoj komencos unuafoje ŝati seksumadon kaj diversaj malsanoj fine malaperos," li diris. Laŭ la Unuiĝintaj Nacioj, proksimume tri milionoj da fraŭlinoj ĉiujare en Afriko estas minacataj pri organmutilo, kaj pli ol 91 milionoj da fraŭlinoj kaj virinoj devas vivi kun la sekvoj de la procedo. Inter tiuj sekvoj estas sangado, ŝoko, infektoj kaj pli alta indico de morto por novnaskiĝintaj beboj. |
