NIĜERIO - 21-an de aprilo, 2011.

"En la tuta regiono mortis pli ol 200 personoj, laŭ grupo de "Civil Rights Congress" (CRC), deklaris la estro de la neregistara organizo, raportas la agentejo AFP.  Pli ol 1000 personoj estis jam arestitaj nur en la urbo de Kaduna, kie la polico ĉiun tagon faras sian eblon por revenigi trankvilon.

La aŭtoritatoj anoncas, ke la nombro de viktimoj en la konflikto inter islamanoj kaj kristanoj nun ne plu altiĝas, ĉar ili volas eviti la reprezaliojn. La Ruĝa Kruco asertas, ke 410 personoj estis vunditaj... Kontraŭstaraj movoj aperis dimanĉon post la eldiroj pri fraŭdo dum la prezidentelektoj, sukcesintaj de la eks-prezidento Goodluck Jonathan, kristano el la sudo de Niĝerio.

Lia ĉefa rivalo, la generalo Mohammed Buĥari, islamano el la nordo de Niĝerio, kontestis la rezultojn de la elektoj, sed vokis al fino al de la konflikto pro ​​kiu jam suferis almenaŭ 40 000 personoj.

Laŭ la observantoj, la elektoj efektiviĝis lastan sabaton, kaj estis la plej regula kaj laŭleĝa de jardekoj en tiu lando de Afriko kie vivas 150 milionoj da loĝantoj. La rezultoj montras grandan dividon, ĉar la 68-jara Buĥari ricevis plimulton de voĉdonojn en la nordo kun islama plimulto, dum la 53-jara Jonathan ricevis plimulton de voĉdonoj en la kristana sudo de la lando.