LIBIO - 24-an de februaro, 2011.


La eksa libia Ministro pri Justico Mustafa Abdel Ĝalil deklaris, ke la libia gvidanto Muammar Kadafi, kiu nun alfrontas ribelon en la lando, faros suicidon kiel Hitler. "Tagoj de Kadafi estas kalkulitaj. Li agos kiel Hitler kaj mortigos sin, " li diris en intervjuo kun sveda ĵurnalo "Expressen" en hodiaŭa publikaĵo.

La eksa ministro decidis eksiĝi en protesto "kontraŭ la troa uzo de forto kontraŭ protestantoj." Merkrede, en eksklusiva intervjuo eldonita hodiaŭ sur la retejon de la gazeto, la eksa ministro diris, ke li havas indicon laŭ kiu Kadafi ordonis la atenton en Lockerbie. En la atako sur la aviadilo Boeing 747 de la flugkompanio PanAm super la urbeto Lockerbie, Skotlando la 21-an,de decembro 1988. En la jaro 2001 estis kondamnita la libia Abdelbaset al-Megrahi, pro mortigo de 270 personoj, plejparte usonanoj.

La eksa ministro ankaŭ vokis al la libia diplomataro subteni la ribelon. "Nun estas tempo, ke ĉiuj diplomatoj en Svedio kaj ĉiuj tra la tuta mondo sin mem apartigas de ĉi tiu reĝimo. Ili restu en siaj postenoj kaj atentigas pri la fremda nacio," diris Mustafa Abdel Ĝalil. Mustafa Abdel Ĝalil multfoje kritikis la reĝimon kaj postulis enketon en la masakro ĉe la prizono de Abu Salim en la jaro 1996 en kiu supoze mortis 1200 homoj.