ETIOPIO - 07-an de oktobro, 2010.


La etiopia opozicia gvidantino Birtukan Mideksa estis liberigita el prizono. Ŝia elkarcerigo okazas kvar monatojn post la tre grava venko de la registaro en balotadoj. Ŝi estis unu el pluraj kontraŭstaraj gvidantoj kondamnitaj al vivdaŭra mallibereco post la voĉdonado de 2005. Ili estis poste pardonitaj, sed Sinjorino Birtukan estis denove arestita pro malobservo de kondiĉoj de ŝia elkarcerigo.

"Mi estas tre trankviligita," ŝi diris al la brita BBC ĉe ŝia hejmo en la ĉefurbo, kie amasoj kunvenis por bonvenigi ŝin. Mideksa Birtukan diris, ke ŝi estis liberigita ĉar ŝi petis pardonon. "Prizono estas tre horora loko, precipe la tempon kiun mi pasigis sola," ŝi diris. "Nun mi estas libera, mi iras reen al mia familio kaj mia filino, mi estas tre trankvila."

Centoj de ŝiaj subtenantoj komencis ekĝoji kaj kanti kiam ŝi alvenis hejmen per aŭto, akompanita de ŝia patrino kaj juna filino. Mideksa Birtukan estas eksa juĝistino kaj estis unu el la plej junaj kaj plej karismecaj gvidantoj de la koalicio kiu rivecis bonajn rezultojn kontraŭ la reganta partio en la balotadoj de 2005.

Meles Zenawi estis enoficigita por sia kvara kvin-jara mandato kiel ĉefministro lastan lundon, sekve de superforta venko de sia partio en majo. Sed la Eŭropa Unio kaj usonaj observantoj diris, ke la voĉdonado ne respektis internaciajn normojn.