MADAGASKARO - 9-an de junio, 2008.

Savmisio ekiras al Madagaskaro por savi pli ol 100 balenoj kaptitaj en golfeto en la nordo de la insulo. Proksimume 30 balenoj jam mortis kaj fakuloj flugalvenas el la tuta mondo. La loko de tiu okazaĵo situas apud alia loko kie ExxonMobil faras sismajn serĉojn, sed la petrolkompanio neas ian ajn ligon.

La unua baleno grundis fine de majo kaj la unua morto laŭ raportoj okazis post tri tagoj. Plejparto de tiuj balenoj naĝis tra mallarĝa enirejo en golfeton kie ili restis kaptitaj. ExxonMobil faris sismajn mezurojn en la loko, kvankam ĝi diras, ke ĝi komencis sian serĉon kelkajn tagojn post kiam la unua baleno albordiĝis. Tamen, ĝi ankaŭ diris, ke ĝi uzis eĥosonojn antaŭ ĉi tiuj sismaj enketoj.

La proparolantoj de la petrolkompanio asertas, ke ĝi certas havi neniun respondecon, konsidere ke sia operacio okazis pli ol 50 km for de la Baie de Loza, kie la balenoj grundis al la plaĝoj. Malgraŭ ĉi tio, ExxonMobil decidis ĉesigi sian esploran programon ĝis la afero estos solvita. Dume, savpenoj okupas lokajn loĝantojn, kaj internaciaj agentejoj pri konservardo kaj protekto de la natura medio ekiras kaj provas savi la restantajn vivantajn bestojn.