NAMIBIO - 2-an de majo, 2008.

500-jara ŝipvrako ŝarĝita de trezoro estis antaŭ nelonge eltrovita proksime de la marbordo de Namibio. La landa diamantkompanio, Namdeb, anoncis, ke ĝi trovis la ruinigitan ŝipon dum operacioj sur la marfundo. La trovaĵo inkluzivas tri bronzajn kanonojn, milojn da Hispanaj kaj Portugalaj oraj moneroj, kaj kelkaj tunoj da elefantaj dentegoj.

Enestis ankaŭ homaj restaĵoj kaj navigadaj instrumentoj. Elfosaĵoj en la loko estis tuj haltitaj. Arkeologiaj fakuloj identigis la kanonojn kiuj verŝajne datiĝas el la frua 16-a jarcento kaj venas el Hispanio. Tio estas ŝajne la plej malnova ŝipvrako iam ajn eltrovita en Subsahara Afriko. Namdeb diris, ke ĝi ektrovis la vrakon je la unua de aprilo, dum operacioj en la Atlantiko post kiam ĝi trovis kelkajn kuprajn ingotojn kaj kanonojn.

La kompanio konjektas, ke la ŝipo povus esti ligita al la tiama Portugala esploristo Bartolomeu Dias, kiu malaperis en 1500 post kiam li iĝis la unua Eŭropa maristo kiu rondiris la Kabon de Bona Espero. La proparolanto de Namdeb Hilifa Mbako diris, ke la Portugala kaj Hispana registaroj jam estis avertitaj kaj ili atendis, ke teamo de fakuloj estos sendita por antaŭenigi enketojn. "La ŝipvrako tenas pli da demandoj ol respondoj," li diris. Namdeb estas komuna entrepreno inter De Beers kaj la Namibia registaro.